Lurralde proiektuen laugarren edizioa da hau, zeinetan jende gehien kontratatuko den. Aiarako Kuadrillak 40 pertsona kontratatuko ditu datozen sei hilabeteetan, Lanbideren “Lehentasunezko arretako kolektiboentzako enplegu-proiektu integralak” programaren bidez. Bere helburu nagusia talde kalteberentzat eta/edo bazterketa-arriskuan daudenentzat edo 45 urtetik gorakoentzat enplegu-prestakuntza ematea izango da.
Eskainitako lanpostuetarako iragarkiak Lanbiden argitaratuko dira otsailaren 5etik 14ra bitartean, eta Amurrion, Laudion, Artziniegan eta Aiaran egingo dira. Udalerri horiek , programa hau hartuko dute, eta lan-profil desberdinak izango dituzte eskualdearen arabera. Laudion 8 pertsona kontratatuko dira, eta Artziniegan zein Aiaran berriz, 8 pertsona, guztiak 45 urtetik gorakoak; Amurrion berriz, 8 pertsonako bi talde kontratatuko dira, kolektibo kaltebera eta/edo bazterketa-arriskuan dauden kolektibo bakoitzeko. Interesdunek LANBIDEren eskaintzetan izena emanda baino ezingo dute parte hartu.
Okondoko Udalak ere 45 urtetik gorakoen 8 kontratazio ere egingo ditu programa honen barruan.
Egin beharreko lanak askotarikoak izango dira: eskuzko lanak, esaterako lorezaintzat, sastrakak garbitzea, garbiketa, margotzea, hiri-altzarien mantentze-lanak eta antzekoak. Amurrioren kasuan, diseinuaren bigarren edizioa egingo da eta horma-irudiak margotuko dira udalerriko fatxada batzuetan. Kontratu horiek 6 hilabetetik % 75era bitarteko lanaldikoak izango dira, eta zeharkako gaitasunetan 100 orduko derrigorrezko prestakuntza eta banakako lan-orientazioko 6 orduko prestakuntza izango dute, programa hasi aurretik eta 6 hilabeteko iraupena duen programan zehar lanalditik kanpo ORDAINDU GABE.
Aiarako Kuadrillako presidente Iñigo Pinedorentzat, “gauzatutako hiru programen emaitza positiboen ondoren (27 eta 16 eta 32 kontratazio, hurrenez hurren), programa hori berriro garatuko da, eta aukera bikaina da kolektibo ahulenak gizarteratzeko beharrezko prestakuntza- eta orientazio-tresnak emateko. Beraz, kolektibo horietan enplegua sustatzea urrats nabarmena da garapen ekonomiko egonkorrerako eta profesional horien ongizaterako bidean”.