Aiaraldea helmuga ezin hobea da Aste Santu honetan merezitako opor-egunak gozatzeko. Bere natura beteak, ondareak, herri xarmagarriak, gastronomia gozoak eta, nola ez, bere Arabako Txakolinak gainerakoa egingo dute. Aiarako Kuadrillako presidenteak, Iñigo Pinedok, eskualdean deskonexio-egun batzuk igarotzeko gonbitea egiten du, helmuga horrek presarik gabe gozatzeko aukera ugari ematen baititu.
Nerbioi ibaiaren goi-arroan dago Aiaraldea, eta inguru ugari zein ederrak dakartza Aste Santu honetan ezagutzeko. Plan dibertigarriak, naturalak, museo-eskaintza zabalak eta gastronomia gozoak gune ezin hobea bihurtzen dute eskualde eder hau deskonexio- eta entretenimendu-egun batzuk igarotzeko. Sustapen-kanpaina berriak, Aiaraldea, merezi duzun helmuga, lasaitasuna, kultura eta ondarea uztartzen dituen helmuga hau bisitatzera animatzen zaitu.
Aiarako Kuadrillako presidenteak, Iñigo Pinedok, eskualdeko aisialdi- eta dibertimendu-eskaintza erakargarriaz gozatzera gonbidatzen ditu pertsona guztiak: “Aiaraldea opor- egun batzuk igarotzeko helmuga ikusgarria da. Aukera ugari eskaintzen ditu presarik gabeko egun batzuez gozatzeko eta egunerokotasunetik deskonektatzeko. Txakolindegiak, gaztandegiak, museoak, historia duten udalerriak, natura, ondarea, gastronomia aberatsa eta gure Arabako Txakolina aurki ditzakezu. Datorren pertsonak errepikatzen du, beti baitago harridura eta gozamena eragiten duen zerbait. Zalantzarik gabe”.
Naturaren eztanda
Gure eskualdea bereizten duen zerbait badago, bere ingurua da, paisaia menditsu eta berdeez inguratua; baita leku magikoak ere, esaterako Nerbioiko Jauzi ikusgarria, 222 metrotik gorako ur-jauzi batekin, penintsula osoko altuena eta Europako bigarrena. Euskal Herriko ikuskizun natural bisitatuenetako bat.
Nerbioi Jauziko ibilbide ezberdinetatik ikus daitezkeen pagadiek eta bista panoramikoek nahitaez bisitatu beharreko leku bihurtzen dute. Bestalde, eskualdeak barne hartzen du Sierra Salvada/Gorobel mendilerroa, zeinetatik bista paregabeak ikus daitezkeen. Eta ez da gutxiagorako, hegaztiak ikusteko leku ezin hobea baita.
Aire zabaleko planak
Aire zabaleko planak gogoko dituzten pertsonek gozatzeko hainbat ibilbide aurkitzen dituzte Aiaraldean. Goikomendik eta Kuxkumendik ibilbide errazak eskaintzen dituzte; aldiz, Maroñoko Urtegia, Nerbioiko Parke Lineala, Delikako Bide Berdea eta Garrastatxu ibilaldi osoago bat egiteko alternatibak dira.
Aire zabaleko beste plan bat Ametsen Hariztia ezagutzeko bisita da. Aire zabaleko arte-galeria honek aho zabalik uzten du etortzen den bisitari oro. Bertan, 29 margolariren lana dago, bere haritzen azaletan. Beraz, bisita hunkigarria, inspiratzailea eta artez betekoa da.
Paradisua kirolari eta zikloturistentzat
Aiaraldean dibertsioa bermatuta dago. Helmuga erakargarria da pertsona ausartentzat eta kirola gogoko dutenentzat, izan ere, aisialdirako eta turismo aktiborako eskaintza zabala dakarkigu, beste askoren artean, zaldiko ibilbideak, mendi-ibiliak, puxika-hegaldia, parapentea, amildegi-jaitsiera eta bizikleta-ibilbideak.
Eskualdeko bizikleta-tradizio errotua dela-eta, helmuga paregabea da inguru idiliko honetan zikloturismoaz gozatzeko. Aurten 5 bizikleta ibilbide sortu dira, wikiloc-en deskarga daitezkeenak, Aiaraldea Cycling proiektu berriaren baitan. Eskualdea zeharkatzen duten ibilbide luzeak dira (Okondoko Itzulia (45 km eta + 590 m), La Barrerillako Itzulia (48 km eta + 650 m), Peña Anguloko Itzulia (76 km eta + 1220 m), Urduñako Itzulia (74 km eta 1530 m) eta Aiaraldeko Itzulia (125 km eta + 1875 m) maila ezberdinetako txirrindularien beharrak asetzeko, distantzia eta desnibel desberdinak hartuz. “Pedalei eragitea” eta, aldi berean, bista zoragarriez gozatzea gogoko duten pertsona guztien eskura dago.
Bere natura paregabeaz eta bista zirraragarriez haratago, Aiaraldean bost udalerri daude (Amurrio, Laudio, Artziniega, Okondo eta Aiara) zeinek ondare eta historia garrantzitsua duten: Amurrioko Indianoen etxeak, Artziniegako hirigune historikoa, Etxaurren ermita, Kexaako monumentu-multzoa, Saraube eta Aiarako dorretxeak, Arteako Andre Mariaren Santutegia eta Ermualde, besteak beste, bisitatzea merezi duten beste toki askoren artean.
Eskualdeko artea ere presente dago bertako museoetan, non beste garai batzuetako ohiturak edo euskal tradizioak ezagutzeko aukera dagoen, esaterako likoreari eskainitakoa Amurrion, Likorearen Museoa; Santxotena Museo-Tailerra, Euskadin artistarekin harreman zuzena izateko aukera dakarren bakarra; Artziniegako Museoa edo Museo Sakroa.
Aiaraldeko Txakolinaren Ibilbidea
Aiaraldeko Txakolinaren Ibilbidearen barruan elkartutako establezimenduak aurki daitezke, esaterako txakolindegiak, jatetxeak eta ostatuak, gure baliabideak ezagutzeko eta gure KM0 produktuen kalitatea dastatzeko aukera emango dutenak.
Ardoa maite dutenek gure txakolindegietara eginiko bisita gozatu ahal izango dute, eskuragarritasunaren arabera eta aldez aurretik erreserba eginda (Artomaña, Astobiza, Beldui, Garate eta Txakoli Txikibin). Upategi eta instalazioetara bisita gidatua egin ondoren, txakolin gozo bat dastatu ahal izango da, ardo ikusgarri eta bikain hau ezagutzeko aukera paregabea izanik.
Gure gaztandegiak (Izoria, Soloitza eta Aguiñiga) ere geldialdi saihestezinak dira, gaztaren mundu liluragarrian murgiltzen gaituztelako, bertako instalazioetara egindako bisitaldiari esker. Bertan, gazta eta eztia egiteko prozesua azaltzen digute eta, jakina, bertako produktuen dastaketa eskaintzen digute. Familiarekin, bikotekidearekin edo bakarrik gozatzeko plan ezberdin eta entretenigarri bat.
Era berean, bisitatzen gaituzten pertsonak, eskualdeko establezimendu ezberdinetan bertako sukaldaritzaz gozatzeko aukera izango dute, non bere elikagaiak gure nortasun-ezaugarriarekin, Arabako Txakolinarekin, uztartuko dituzten.
Gainera, tokiko produktu horiek guztiak zuzenean erosi ahal izango zaizkie ekoizleei Aiaraldeko denda eta merkatuetan, bisitaren ondoren dastatzeko ere aukera paregabea baita.
Merezitako atsedena
Aste Santu honetan bisitatzen gaituzten pertsona guztientzat gustu eta poltsiko orotarako ostatu aukera zabala dugu (hotelak, ostatuak, landetxeak, nekazalturismoak, etab.) ondo merezitako atsedena aurkitzeko. Horiek guztiak, ingurune zoragarri batean daude, lasaitasuna eta erlaxatzea ziurtatzeko. Ametsetako oporraldiaz gozatzea posible da gure eskualdean, Aiaraldea merezi duzun helmuga baita.