Aiarako Kuadrilla, 2025eko ekainaren 13a. Aiarako Kuadrillak eskualdeko intereseko jarduerak eta/edo programak antolatu, garatu eta gauzatzeko laguntzen deialdia egiten du, Aiarako Kuadrilla osatzen duten bost udaletatik bi baino gehiago (Laudio, Amurrio, Aiara, Artziniega eta Okondo) hartu, aipatu edo inplika ditzaten, edo, lurralde horretatik kanpo egin arren, besteak beste, eskualdearen edo Kuadrillako erakundearen beraren interesa sustatzea izan dezan helburu.
Diruz lagundu beharreko jarduerak 2025eko urtarrilaren 1etik 2025eko abenduaren 31ra bitartean garatu ahal izango dira.
Dirulaguntza hori jaso ahal izango du, eskualde intereseko jarduerak (edo programak) sustatzen eta antolatzen dituen edozein pertsona fisikok edo juridikok, betiere Kuadrillak jadanik jarduera hori diruz laguntzen ez badu.
Eskabideak Aiarako Koadrilaren egoitza elektroikoaren bidez egin beharko dira, xede horretarako prestatutako izapidean.
Laguntza hauetarako eskabideak aurkezteko epea 2025eko irailaren 30ean amaituko da, 23:59etan.
Edozein zalantza edo argibiderako Kuadrillako kultura arloarekin harremanetan jarri ahal izango da 945 399 122 telefonoaren edo cayala.yolanda@ayto.araba.eus helbide elektronikoaren bidez.
Oinarriak eta eskabide bakoitzarekin aurkeztu beharreko dokumentuak Kuadrillaren webgunean, www.cuadrilladeayala.eus, edo izapidean kontsultatu eta deskargatu ahal izango dira.