Aiarako Kuadrillak uztailaren 1ean irekiko du Aiaraldeko gazteei zuzendutako Monitore ikastarorako izena emateko epea. Amurrion emango den ikastaro hau Kuadrillako Gazteria arloaren estrategiaren parte da, gazteek aisialdiko eta denbora libreko jardueretan prestakuntza eta parte-hartze aktiboa izan dezaten sustatzeko. Ezinbesteko baldintza da 2025ean 17 urte beteta izatea.
Ikastaroa irailaren 1ean hasi eta abenduaren 22an amaituko da; honen ostean, ikasleek ikastaroaren parte diren praktikak egin beharko dituzte. Aiarako Kuadrillaren dirulaguntza bati esker, parte-hartzaileentzako azken kostua 150 €-koa izango da.
Era berean, ikastaroren atal teorikoa eta praktikoa amaitzean, parte-hartzaileek Aisialdiko Begiralearen ziurtagiri ofiziala eskuratuko dute, indarrean dagoen araudiak aitortua eta Autonomia Erkidego guztietan baliozkoa.
Izen-emateak
Izena emateko epea uztailaren 1ean hasi eta 2025eko uztailaren 18an amaituko da. Interesdun guztiak honako helbide elektroniko honen bidez jarri ahal izango dira harremanetan: cayala.cultura@ayto.araba.eus
Plazak mugatuak direnez, izen-ematea lehenbailehen egitea gomendatzen da. Ikastaro honek aukera bikaina eskaintzen du prestakuntza ofiziala eskuratzeko eta aisialdiaren zein denbora librearen esparruan trebetasunak garatzeko.