Bidaian eskualdeko sektore pribatua, ostatuak, upeltegiak, museoak eta Aiaraldeko jatetxeak izan dira, Kuadrillako Presidentearekin eta bost udaletako alkate eta zinegotziekin batera. Helburua Aiaraldeko Txakolinaren Ibilbidearen garapenean aplika daitezkeen erreferentziazko eredu enoturistikoak ezagutzea izan da, bereziki tokiko ondarea, paisaia eta kultura integratzeko helburuarekin.
Toroko Ardoaren Ibilbideari dagozkion hainbat negozio pribatu bisitatu dira:
- Marialba Landetxea: Jasangarritasunaren eta ekonomia zirkularraren arloan lan egiten duen landa-ostatua, energia berriztagarrien aprobetxamenduarekin zaharberritutako bere eraikinari eta baratze ekologikoari eta berotegiari esker.
- Divina Proporción Upeltegi eta Jatetxea: Mahastien eta lur emankorren arteko fusioa, ardo ahaztezinak eta apartak sortzea ahalbidetzen dutenak.
- Vocarraje Upeltegia: Frantziako Chateauetan hezi zen mahastizaina duen familiaupeltegia. Horri esker, mahasti onenak aukeratu ahal izan ditu, eta Toro, Rueda eta Rivera jatorri deiturako upeltegi ospetsuenekin eraman ditu gorenera.
- Chillón Gaztaren Museoa: Espainiako kapital pribatuko LEHEN GAZTA MUSEOA zeinen gaztagintzak tradizioa, modernizazioa eta berrikuntzauztartzen jakin izan duen, kalitatean eta higienean.
- Pagos del Rey Upeltegia eta Museoa: Ardoaren kulturarekin konprometitutako negozio familiarra, zeinen izaera tradizionalarekin eta espiritu esportatzailearekin, munduko 115 herrialde baino gehiagotan presente egoteko aukera eman zaien.
Gainera, Toro bisitatu da, bertako ondare aberastasuna eta dituzten baliabide turistikoak ezagutuz. Toroko Ardoaren Ibilbidearen funtzionamendua bertatik bertara ezagutuz, bertako langileei eta bisitatu diren bazkide ezberdinei esker.
Horri guztiari esker, ikusi ahal izan da beste mahastizaintzako eta ardogintzako lurralde batzuek beren baliabideak, turismo-produktu bihurtu dituztela, eta ardoari lotutako esperientziak sortu direla, gure lurraldean praktikan jar daitezkeenak.
Bidai honek, beste Ardoaren Ibilbide batekin loturak sortzeaz gain, Aiaraldeko Txakolinaren Ibilbidean parte hartzen duten pertsonen arteko harremanak estutzeko aukera ematen du. Eta horrek, gure eskaintza enogastronomikoa hobetzea ekarriko du.