Aiaraldeko Kuadrillak Kontrataziorako Laguntzen deialdi berria jarri du martxan, eskualdeko eta Urduñako enpresei zuzendua, tokiko enplegua sortzea eta lan-egonkortasuna bultzatzea helburu. Eskaera-epea abenduaren 4tik otsailaren 4ra (biak barne) egongo da zabalik Kuadrillaren egoitza elektronikoan, Kontrataziorako laguntzak izeneko izapidean.
Deialdi honetarako, Kuadrillak 108.925 euroko aurrekontua bideratuko du. Aurreko urteetan aurrekontua guztiz agortu zen, eta aurten ere eskari handia izatea espero da. Laguntzek urtebeteko kontratu mugagabeen kostuaren zati bat diruz lagunduko dute, bai lanaldi osokoak bai lanaldi partzialekoak; eta tratu berezia jasoko dute artista eta espektakulutako langile teknikoen kontratazioek.
Laguntza hauek Aiaraldean eta Urduñan kokatutako enpresek eskatu ahal izango dituzte, betiere kontratatzen diren pertsonak Kuadrillan edo Urduñan bizilekua dutenean, horrela eskualdeko sustraitzea eta kohesio sozioekonomikoa indartuz.
Beharrezko dokumentazioa —oinarri osoak eta dagokien inprimakiak barne— Kuadrillaren webgunean egongo da eskuragarri; bertatik online eskaera egiteko izapidera ere sarbidea izango da.