Azken urteotan ohikoa den bezala, konpostajeari buruzko hitzaldiak emango dira, eta aurten berritasun bat izango da, gaur egungo egoera dela eta, hitzaldiak on-line emango dira.
Informazio hitzaldiak:
- Azaroak 20, ostirala: “Etxeko konpostajeari buruzko oinarrizko formakuntza” hitzaldi irekia gazteleraz, 18:00etatik 19:00etara, on line.
- Azaroak 27, ostirala: “Hondakinak eta gaikako bilketa” gaiari buruzko hitzaldia euskaraz, on-line, ikastetxeei zuzendua.
- Azaroak 27, ostirala: “Konpostagailu bat etxean nola egin eta lortutako konposta nola erabili” hitzaldi irekia gazteleraz, 18:00etatik 19:00etara, on line.
Hitzaldi horiez gain, kuadrillak 25 konpostaje kit (konpostagailua, aireztatzailea eta gida liburua) zozketatuko ditu oinarrizko formakuntza ikastaroa egiten duten pertsonen artean, eta jarraipen teknikorako 40 bisita eskainiko dizkie kuadrillako konposta egiten duten familiei, prozesuan aholku emateko eta izan ditzaketen zalantzak edo arazoak konpontzeko.
Izena emateko, azaroaren 18a baino lehen mezu bat bidali behar da aiaraldea.konposta@gmail.com helbide elektronikora, eta egun batzuk lehenago mezu bat itzuliko da hitzaldietarako sarbidearekin.