Aiarako Udalak lau pertsona kontratatuko ditu Aiarako Kuadrillako 2020-21 Enplegu Planari esker

Erabiltzailearen aurpegia Aiarako Udala 2020ko aza. 28a, 10:52

Lanbidek kofinantzatutako programa horri esker, arkitekturako tituludun bat, administrari bat eta bi peoi erabiliko dira. Interesdunek lanpostuetarako eskabidea egin beharko dute Euskal Enplegu Zerbitzuaren web orriaren bidez: www.lanbide.euskadi.eus

Aiarako Udalak lau pertsona kontratatuko ditu 2020-2021 urteetarako Eskualdeko Enplegu Planei esker, kasu honetan Aiarako Kuadrillari esker. Horrela, Udalak langabezian dauden eta profil profesional hauek dituzten pertsonak enplegatu ahal izango ditu: arkitekto bat, administrari bat eta bi peoi.

Plan horiek Lanbide Euskal Enplegu Zerbitzuak eskatutako baldintzak betetzen dituzten langabeentzat dira, ekainaren 24ko ebazpenaren arabera. Halaber, lan-eskaintzak Lanbideren webgunean argitaratu dira azaroaren 27tik (ostirala) aurrera.

Gentza Alamillo Aiarako alkateak azaldu duenez, "Interesa duten pertsonek Lanbideren bidez soilik eman ahal izango dute izena abenduaren 9ra arte, eta horretarako Lanbideren web zerbitzua erabiltzea gomendatzen da, esteka honen bidez: https://www.lanbide.euskadi.eus" eta "kontratazioak abenduaren 31 baino lehen" egingo direla aurreratu du.

Programa hori gauzatu ahal izateko, Aiara eta Urduñako eskualde osoan 36 pertsonari lan egingo dieten planen kostu osoa 636.000,00 €-tik gorakoa izango da, eta Lanbidek finantzatuko du, gutxi gorabehera, %69.

Ekonomia Aiara

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide