Udalak euskara ikasteko eta hobetzeko diru-laguntzak eskatzeko epea zabalik mantentzen du

Erabiltzailearen aurpegia
Aiarako Euskararen Asteburuaren irudi bat. / Aiaraldea.eus

Interesdunek abenduaren 30era arte dute dokumentazioa udaletxean bertan aurkezteko aukera. Eskabide-eredua udal-bulegoetan ematen da, eta udalaren webgunean ere deskarga daiteke: www.aiarakoudala.eus.

Aiarako Udalak euskara ikasteko eta hobetzeko udal dirulaguntzak argitaratu ditu aurten ere, hizkuntza propioa sustatzeko eta apustu eta konpromiso irmoz. Horretarako, abenduaren 30ean amaituko den epea ezarri da, interesdun guztiek 2019ko urritik 2020ko irailera bitartean (bi hilabeteak barne) egindako ikastaroetarako beharrezko dokumentazioa aurkeztu eta diru-laguntzak eskuratu ahal izan ditzaten.

Eskatutako dokumentazioa

Gentza Alamillo Aiarako alkateak adierazi duenez, "Eskaera guztiak, eskatutako dokumentazioarekin batera, udalean bertan aurkeztu eta formalizatu beharko dira, eskaera baten bidez". Beharrezko dokumentuen artean, honako hauek daude: eskabide-inprimakia, eskatutako datu guztiekin; eskatzailearen Nortasun Agiriaren fotokopia (NAN/AIZ); eta euskaltegiaren edo autoikaskuntza zentro homologatuaren jatorrizko ziurtagiriak, ikasturtean emandako maila bakoitzari dagozkion ezaugarriak adierazita.

Udalerriko ikaskuntza-taldeen jatorrizko ziurtagirien kasuan, udalaren parte-hartzearekin, honako hauek adierazi beharko dira: euskaltegiekin gertatzen den bezala ikasturtearen hasiera- eta amaiera-data, emandako eta lagundutako eskola-orduen kopurua (bertaratze-ehuneko osoa barne) eta matrikularen guztizko kostua. Kasu guztietan, matrikula ordaindu izanaren banku-erakundearen jatorrizko egiaztagiria ere aurkeztu beharko da.

Halaber, administrazio eskudunak emandako ziurtagiria aurkeztu beharko da, foru-ogasunarekin eta Gizarte Segurantzarekin zergak ordainduta dituela egiaztatzen duena, edo, hala badagokio, eskatzaileak sinatutako baimena, Aiarako Udalak ziurtagiri horiek eska ditzan.

"Eskabidearen eredua udalaren bulegoetan bertan emango da, baina www.aiarakoudala.eus web-orriaren bidez ere deskarga daiteke", amaitu du alkateak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide