Hilabeteko maiztasuna izango du Puntu Berdea hondakin bilketa zerbitzuak Aiaran

Erabiltzailearen aurpegia
Hondakin bereziak biltzeko edukiontziak dituen ibilgailu bereziak

Hondakin bereziak biltzeko zerbitzua hilabeteko maiztasunarekin igaroko da Luiaondotik eta urtean zehar lau jasoketa egun egongo dira Batzar Administratibo bakoitzean.

Arabako Foru Aldundiak sustatutako Puntu Berde mugikorrak hilabeteko maiztasunarekin egingo ditu hondakin bilketak Luiaondon, urtarriletik aurrera. Jasoketak hilabeteko hirugarren astelehenetan egingo dira, 11:00etatik, 13:00etara, Barrena estankoaren ondoko autobus geralekuan.

Batzar administratiboetan ere eskainiko dira Puntu Berde mugikorraren zerbitzuak. Urtean lau bilketa egun egongo dira Aiarako batzar Administratibo bakoitzean. Arabako Foru Aldundiko web orrian kontsultatu daitezke egunak.

Puntu berde mugikorrak etxe partikularretan, saltoki eta enpresa txikietan sortzen diren hondakin bereziak biltzeko zerbitzua dira, ohiko edukiontzietara bota ezin daitezkeenak: erabilitako olio eta koipeak, bateriak, pinturak... Zerbitzua osatzen duten ibilgailuek edukiontzi bereziak dituzte hondakin desberdin horiek jasotzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide