Etxaurren Ikastolak jolastokiak eraldatzeko proiektua garatuko du

Erabiltzailearen aurpegia
Etxaurren Ikastolako jolastokia. / Aiaraldea.eus

Espazioak birmoldatzeko eta jolas-gune berrien erakargarritasuna lantzeko prozesu parte-hartzailea jarriko dute abian, ikasleekin batera.

Etxaurren Ikastolako jolastokia eraldatzeko elkar-sorkuntza prozesua jarriko dute martxan Aiarako Udalak, Etxaurren Ikastolak eta Guraso Elkarteak, Tipi Elkartearen laguntzarekin.

Eskolako patioa ume askok esperimentatzen duten lehendabiziko espazio publikoa izanik, garrantzia handiko eremua da, baina, orokorrean eskolako patioak eta espazio komunak ez dira modu egokian diseinatu eta pentsatu. Hala, espazio hauen diseinuak erabileran eta banaketan genero hierarkiak sortzen ditu eta ez dira kalitatezko harremanak eta esperientziak ematen.

Etxaurren Ikastolak, jolastokiaren eraldaketarako eta espazio berrien erakargarritasuna lantzeko, eskola komunitatearen, eta bereziki ikasleen nahi eta beharretatik eratorritako prozesu parte-hartzailea jarriko du abian.

Hezkidetza batzordeko umeak izango dira motore eta beraiek hartuko dute gainontzeko haurren iritziak jasotzeko ardura. Tipi Elkarteak beraiekin lan egingo du prozesu guztian zehar hainbat saio eta topaketa antolatuz.

Prozesua garatzeko 3 hilabete beharko dira: otsailetik maiatzera. Denbora tarte horretan jarduera desberdinak burutuko dira, hala nola formakuntza saioak, ekintza sortzaileak, lanketa bereziak tutoretzetan, ikasle topaketa eta itxiera festa.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide