Faktoriaren udaleku eskaintza 2018

Familia udaleku itxiak Lapuebla de Labarcan

Erabiltzailearen aurpegia Aiaraldea Ekintzen Faktoria 2018ko maiatzaren 4a

Udalekuak esperientzia dibertigarri eta gogoangarria dira haur eta gazteentzat, baina zergatik ez gurasoentzat ere? Labarkan antolatu ditugun 4 eguneko udaleku itxi hauetan elkarrekin gozatuko dugu udalekuez, haur, gazte zein heldu izan. Horretarako Arabar Errioxara joko dugu, euskaraz eta balioz beteko ditugun lau egun gogoangarri pasatzera.

Bertan, Errioxak eskaintzen dizkigun paisaia zoragarriak ezagutzeko aukera izango dugu, bai eta lurralde hori mundu osoan ezagun egiten duen ardoaren ekoizpena ere. Jolaserako zein sormenerako eremu handiak eta txoko txikiak izango ditugu, igerilekura joan eta hainbat ibilbide egiteko aukera ere izango dugu.

Familian eta euskaraz gozatzeko aukera paregabea izango da.

ORDUTEGIA: Uztailaren 26an 17:30ean aterako gara eta uztailaren 29an 18:00ak aldera bueltatuko gara (bidaia, norbere autoan egingo dugu, eta ahalik eta auto gutxien mugitzeko antolatuko gara).

TOKIA: LAPUEBLA LABARCA

DATAK: 2018KO uztailaren 26tik uztailaren 29ra

ADINAK: Familia guztiak hartuko dira, 0 urtetatik gora.

PREZIOA:
BAZKIDEAK(*):
HELDUAK: 120 €      HAURRAK: 100 €          

EZ-BAZKIDEAK:
HELDUAK: 140 €      HAURRAK: 120€

2016tik behera jaiotakoek ez dute ordaintzen.

 

(*) Aiaraldea Ekintzen Faktoriako bazkidea (Bazkide izateko informazioa izen-ematean kontsultagarri egongo da)

 

 

Hezkuntza

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide