EKONOMATUAREN KULTUR AFARIAK

Leie Meie taldeak girotuko du Faktoria Arrastiaken bigarren saioa

Erabiltzailearen aurpegia Aiaraldea Ekintzen Faktoria 2020ko uztailaren 8a

Kirikiño aisialdi taldearen urteurrenean jo zuen Leie Meiek lehen aldiz eskualdean, iaz. / Leie Meie

Leie Meie talde bilbotarrak girotuko du Faktoria Arrastiak dinamikaren bigarren saioa. Larunbatean izango da emanaldia, 20:00etatik aurrera Laudioko Abasto plazan. 

Bertsioak jotzen dituzte Leie Meie taldeko kideek, baina badituzte abesti propioak ere. Bost taldekide igoko dira Aiaraldea Ekintzen Faktoriako Ekonomatuak atondu duen oholtzara: ahotsa, bi gitarra, baxua, pianoa eta bateria. 

Aiaraldea Ekintzen Faktoriako Ekonomatuak abiatu du asteburuko kultur eskaintza. Kontzertuez gain, tokiko produktu ekologikoekin eginiko afaria eskainiko dute (okela eta barazki hanburgesak, pizza artisauak, partekatzeko errazioak, izozki ekologikoak, etxeko postreak...).

Igor Arzuagak eskaini zuen Arrastiak Faktorian dinamikaren baitako lehen kontzertua. Aiaraldea hedabideak zuzenean emititu zuen emanaldia:

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide