LAN POLTSAK

Ikus-entzunezko lanetarako eta erredakzio zereginetarako lan poltsak zabaldu ditu Aiaraldea Hedabideak

Erabiltzailearen aurpegia
Komunikabideko lan poltsa zabalduko da, urriak 31 arte. / Aiaraldea.eus

Ikus-entzunezkoen lan poltsa sortuko du Aiaraldea Hedabideak. Horrez gain, erredakziorako zerrendan sartzeko curriculuma bidali ahalko dute interesa duten komunikazio langileek. Urriaren 31a izango da proposamenak aurkezteko azken eguna. Etorkizunean sor daitezkeen beharrei erantzutea da ekimenaren xedea.

Aiaraldea Ekintzen Faktoriak komunikabideko zereginetarako lan-poltsa ireki du. Hedabideko eginkizunei erantzuteko (edizio digitala, papereko edizioa…) profesionalen lan-poltsa osatzea da helburua. Ikus-entzunezkoek indar handia hartu duten garaiotan, bideo ekoizpenetarako lan poltsa propioa eratzea da asmoa. Curriculumak bidaltzeko epea urriaren 31an bukatuko da. Interesdunek lanpoltsa@aiaraldea.eus helbidera bidali behar dute euren curriculuma.

Izena ematen dutenen artean 2  lan poltsa bereiziko dira; ikus-entzunezkoena eta erredaktoreena. Hala, etorkizunean hedabideko tresnetako ordezkapenak edo betekizunak gauzatuko dira. Lan poltsaren hurrenkera osatzeko, ondorengo elementuak baloratuko dira:

Ikus-entzunezko lan poltsan baloratuko dena:

  • Lizentziaduna edo graduatua izatea kazetaritzan, ikus-entzunezkoetan edo komunikazioan.
  • Bideoak grabatzeko eta editatzeko gaitasuna.
  • Multimedia programen ezagutza, argazki eta bideo edizioei dagokienean. 
  • Zuzenekoetan edo bestelako ikus-entzunezkoetan esperientzia.
  • Gida baimena izatea.
  • Euskarazko Gaitasun Agiria izatea.
  • Taldean lan egiteko gaitasuna .
  • Lan esperientzia.
  • Aiaraldean jaio, lan edo bizitzea.

Erredakzio lan poltsaren eguneraketa

Bestalde, Aiaraldea Hedabideko edizio digitalean (www.aiaraldea.eus) eta paperekoan (Aiaraldea Hemen hamabostekaria) aritzeko kazetari edo komunikazio langileek curriculuma bidali ahalko dute datozen bi asteetan ere. Modu horretan, erredakzio lan-poltsan sartuko dira, aurrerantzean sor daitezkeen beharrei bide emateko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide