Ikus-entzunezko langile baten bila ari da Aiaraldea Ekintzen Faktoria. Langile horren egiteko nagusia izango da Aiaraldea Komunikabidearen ikus-entzunezkoak ekoiztea eta Faktoriaren gainontzeko ildoen ikus-entzunezko beharrak asetzea.
Interesa duten pertsonek abuztuaren 28a baino lehen bidali beharko dituzte aurkezpen gutuna eta curriculuma lanpoltsa@aiaraldea.eus helbidera (erdaretan idatzitako curriculum edo aurkezpen gutunak alboratuko dira).
Lanpostuaren gaineko edozein zalantza argitzeko, interesdunek txabialvarado@aiaraldea.eus helbidera idatzi edo 688 84 81 52 (Txabi) telefono zenbakira deitu dezakete.
Lan-deialdia ebazteko kronologia
- Uztailak 31: Lan-deialdiaren zabalpena.
- Abuztuaren 28a: Aurkezpen gutuna eta CVa bidaltzeko azken eguna.
- Abuztuak 28-31: Jasotako hautagaitzen azterketa.
- Irailak 1-6: Hautatutako pertsonen elkarrizketak eta hautafrogak.
- Irailak 7-14: Lan Inkorporazioa.
Oharra: Uda garaia dela eta epeetan malgutasuna egongo da eta hautagaien disponibilitatea kontuan izango da.
Lan funtzioak
Lanerako hautatua den pertsonaren eginkizun orokorrak hurrengoak izango dira:
- Aiaraldea Komunikabiderako bideoen grabaketa eta ekoizpena: bideo-elkarrizketak, bideo-albisteak, bideo-erreportajeak, bideo-kronikak, zuzenekooak, podcastak, etab.
- Salmenta bidezko ikus-entzunezko zerbitzuen grabaketa eta edizioa: bideo spotak, zuzenekoak, promoziorako bideoak, etab.
- Aiaraldea Ekintzen Faktorian egiten diren ekitaldien errealizazioa.
- Aiaraldea Ekintzen Faktoriarako ikus-entzunezko piezen ekoizpena: ekitaldi jakinen bideo errealizazioa eta zuzeneko emisioak.
Eginkizun orokor horien baitan, hurrengo proiektu zehatzak egin beharko direla aurreikusten da irailetik abendura bitartean, besteak beste:
- “Indarkeria matxistaren aurka Aiaraldea dantzan” ekimenaren grabaketa eta edizioa: Dantza bideoen grabaketa eta ekoizpena.
- “Multimedia eskola” proiektuan laguntza ematea (eskualdeko ikasleekin eginiko ikus-entzunezkoen grabaketa, dinamizazioa eta edizioa),
- Aiaraldea Komunikabidearen ikus-entzunezko egitasmo berrietan laguntza eta aholkularitza ematea.
Eskatzen da:
- Ikus-entzunezkoen (bideo zein audioen) grabaketan eta edizioan ezagutza eta esperientzia.
- Ikus-entzunezko edizioari eta errealizazioari lotutako programen ezagutza: Premiere, OBS, Photoshop, After Affects eta horien baliokideak.
- Euskara maila egokia.
Baloratuko da:
- Ikus-entzunezkoei lotutako formazio akademikoa.
- Kazetaritzari lotutako formazio eta esperientzia (ikus-entzunezkoen alorrean zein idatzizko kazetaritzan).
- Soinu eta argi teknikari ezagutzak.
- Gidabaimena.
- Aiaraldea Ekintzen Faktoriaren proiektuaren gaineko ezagutza eta atxikimendua.
- Aiaraldean jaio eta/edo bizitzea.
Eskaintzen da:
- %75ko lanaldi kontratua (30 ordu astean).
Oharra: Lanaldi osoa (%100) izateko aukera dago soinu-teknikaritza edo/eta kazetaritza funtzioak betez. - Ordutegi malgutasuna.
- Bizitza pertsonala eta laborala kontziliatzeko erraztasunak.
- Lanaldiaren %20a telelanean egiteko aukera.
- 21.000€ gordineko urteko soldata (lanaldi osorako).
- Asteburuan lan egindako orduen konpentsazioa berezia.
- Euskararen eraldaketa sozialaren esparruan proiektu bizigarri baten parte izatea.
- Lantalde gazte eta dinamiko baten parte izatea.
- Lanpostua Laudion (Araba) kokatzen da.