Aiaraldeko Gure Hezkuntza Plataforma eskualdeko ikastetxe ezberdinetako gurasoei LOMCE legearen aplikapenak aurki beraien seme-alabengan eragingo dituen ondorio eta aldaketei buruzko informazioa luzatzeko eta plataforma bera aurkezteko hitzaldiak burutzen ari da.
Laudioko Latiorro eskolan eta Aiarako Etxaurren Ikastolako gurasoekin burutu dira lehengo asteetan lehen saioak eta gaurkoan, maiatzak 26, Amurrioko Zabaleko eskolan burutu da aurkezpena.
LOMCErik gabeko herriak
Hezkuntza Plataformen Topaguneak, Euskal Herriko herri eta eskualde ezberdinetan martxan diren LOMCEren aurkako plataformatako bilguneak, LOMCErik gabeko herriak dinamika jarri du abian. Ekimenaren lehen urratsak aurkeztu ditu Aiaraldeko plataforma bileratan.
Ekimen honen bidez ikastetxeetan LOMCEren aurrean gelaz gela guraso eta irakasleriaren erantzuna aktibatzeko proposamena egiten da, “LOMCErik gabeko gela” adoste aldera eta ondoren, Hezkuntza komunitate osoari “LOMCErik gabeko ikastetxea” izendapena proposatzeko urratsak eman daitezen.
Sinadura bilketa erabiliko da norbanakoek hartuko dituzten konpromisoen testigantzarako eta aldi berean plataformak eskualdeko udalbatzei LOMCErik gabeko herria izendapena proposatuko duen mozioa ere luzatuko die.
Hurrengo aurkezpenak
Amurrioko Zaraobe Insitutituan bihar, hilak 27an, asteartea, 18:00etan burutuko dute guraso eta irakasleriari zuzendutako aurkezpena eta Laudio Ikastolan ekainaren 5ean, 17:00etan.