Aurten ere, Olaran Elkarteak antolatuta, Bizkaian egiten den San Joan feria eta merkaturik zaharrena ikusgai egon da Urduñan.
Egun osoan zehar, abeltzaintzako feriaz, zaldi erakusketaz eta sutako ferraketa erakustaldiaz gozatzeko aukera izan dugu urduñarrok eta umeak pottokoz ibili ahal izan dira. Horrez gain, artisautza feria eta nekazaritzako elikagaiak eta makina erakusketa eskaini dira, besteak beste.
Eguerdiko 12:00etan, Urduñako Gorobel Mendizerrako arkumea dastatzeko aukera izan dugu eta 13:00etan, Hiriko I. Antxume proba nagusitu egin da. Foru Plaza eta Licenciado Poza auzoa topaguneak izan dira egun honetan eta ohi denez, 15:00etan, herri bazkaria egon da Txefosetako frontoian.
Urduñako Udalaren, Arbaso Elkartearen, Bedarbideren eta Bizkaiko Foru Aldundiaren laguntza izan du gaurko azokak eta aipatutakoez gain, arratsaldean herri folklorea izan da Foru Plazan, jai eguna gehiago girotzeko asmoarekin.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide