Udazkena

Erabiltzailearen aurpegia

Aste batzuk pasa dira egunsentia buseko leihotik ikusten berriro hasi nintzenetik, udazkena bere hosto lehor, kafesne bero eta igande arratsalde hotz usainarekin, gure zain kale kantoian zegoen seinale.
Udan izara moduan balio digun azal nordikoa sartu eta sandaliak botengatik aldatu ditugunerako, urriak bere egin gaitu. Eta ondo sartu ere, pentsatzen hasita, txikleak bailiran luzatu genituen oporretako azken egun horiek aurreko bizitzaren batekoak ematen dutela.

Denboraren aurkako borrokarik latzenak ere ezin du erloju orratzen ibilbidea gelditu, eta zitara puntual iritsi da, urtero bezala, kurtsoa, zapaldu bezain beste babesten gaituen errutinarekin. Agurtu beharko, bada, zeruko urdina, antza aurten horren goiz joateko asmorik ez badauka ere, eta asmatu gabeko istorioak bezala hasten ziren egunak.

Eman diezaiogun ongietorria, beraz, datorrenari, zeren hark daki zein abentura biziko ditugun euritako azpian, eta euripean bizi ezin diren ametsen ilusioa hurrengo udarako utz daitekeen bezala, desilusioen itzala udazkeneko euriak eraman dezala.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide