Heldu dira Laudioko jaiak eta kaleak ilusioz gainezka daude berriz ere. Bederatzi egunez jai-giroa izango da nagusi gure herrian, gureak diren jaiak ospatzeko. Eta eskuartean duzuen programak ekitaldi anitz ditu aurten, 160 baino gehiago, herriko txoko bakoitza kolorez, musikaz eta jai-giroaz betetzeko. Baina hau guztia ez litzateke posible izango lan eta lan aritu diren pertsonak gabe, haiei guztiei eskerrik asko urtero egiten duzuen esfortzuagatik herriko jaiak aurrera ateratzen.
Nire besarkadarik beroena ere bidali nahi diet aurten gurean egon ezin direnei. Aurtengo jaiak euskaldunak, herrikoiak, solidarioak eta errespetuzkoak izan daitezela denon esku dago. Laudioarrok ez dugu jarrera arrazista, homofobo edo transfoborik onartuko ezta emakumeon aurkako edozein motatako erasorik ere.
Bizi ditzagun kaleak askatasunez!
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
