50 urteko ibilbidea du Urduñako Antzinako Andra Maria ikastetxeak. Azken hamarkadetan jazotako aldaketetara egokitu da, eta erreferentziazko zentroa bilakatu da familia askorentzat, ikastetxean oso ugariak baitira ikasle ohien seme-alabak.
Ikastetxeko aniztasuna ere nabarmentzeko modukoa da. Hezkuntza etapa guztiak barnebiltzen ditu zentroak, haurtzaindegitik Batxilergora, eta gehiago zabaltzeko asmoa dute, Plataforma Anitzeko Garapenerako Goi-mailako Zikloa eskaintzeko asmoa baitute laster. “Etorkizunerako aukera paregabea” izango da hori, Antzinako Andra Mariako arduradunen arabera.
Batxilergoko eskaintzan, aldiz, unibertsitatera zein goi-mailako ziklo batera salto egiteko prestatzen dituzte ikasleak. Euskarazko B2 titulua eta First edota Advanced azterketak egiteko aukera ere eskaintzen dute, Cambrigte eskolarekin elkarlanean. Kudeaketa Aurreratuko prozesuetan ere murgilduta daude, eta materialen digitalizazioaren aldeko apustua egiten dute, besteak beste.
Eskolatik harago
Hala ere, Antzinako Andra Mariako irakasleek nabarmendu dute euren eragin eremua ez dela eskolara mugatzen. “Pertsonak formatzea dugu helburu, espediente akademikoetatik harago”. Elkarbizitza plan sendoa dute gainera, hezkuntza komunitate osoaren parte hartzearekin osatutakoa. Behatoki bat dute, edozein arazo detektatu eta modu egokian bideratzeko lan egiten duena.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
