8 eta 16 urte bitarteko mendizaleentzako jarduera programa prestatu du Goikogane Mendi Taldeak. 1994 urteaz geroztik Arabako Foru Aldundiaren eskola-kirola egitaraua barruan bideratzen den programa hau, herriko ikastetxeen laguntzaz gazteenen artean ezagutarazten ari dira Laudion egunotan.
14 txangoz osatutako egutegia urriaren 13an jarriko dute abian. Programan izena emateaz aparte, txango bakoitzerako inskripzioa egin beharko dute parte hartzen interesatutakoek, 2 euroren truke ere irteera bakoitza; gainerakoaz, jakingarri zehatzen komunikazioaz, autobusen kontratazioaz, begiraleen antolaketaz eta abarrez Goikogane Mendi Taldea arduratuko da.
Herriko ikastetxeetan zein mendi taldearen egoitzan, astearte eta ostiraletan 19:00etatik 21:00etara, programaren izen ematea bideratu zein argibideak eskuratu daitezke.
TEKNIFIKAZIO-JARDUERAK
Programaren osagarri gisa, eskalatzen hasi eta hobetzeko ikastaro trinkoa eskainiko dute udaberrian martxoak 29an, apirilak 12an eta maiatzak 17an 2001 urtean jaiotako kimu eta kadeteentzat, baldin eta aurreko ikasturteetan ez badute ikastaro hau egin.
Honez gain maiatzaren 14an eta ekainaren 1ean entrenamendu ikastaroa eta orientazio hastapenak eta prantikak lantzeko topaketa bideratuko dituzte.