Herrira plataformak Laudio, Amurrio eta Urduñako plazatan deitu ditu M18 PLAZARA ekimenarekin bat egingo duten ekitaldiak larunbaterako, hilak 18rako alegia.
Presoei dagozkien oinarrizko giza eskubideak errespetatuak izan daitezela aldarrikatzeko aukera emango dute herriz herri ekimen ezberdinen bidez.
Laudio eta Amurrion 11:00etan abiatuko dira ekitaldiak. Laudiokoan 13:00etan plazan osatuko den mosaiko erraldoia izango da ekitaldi zentrala eta Amurrion ordu berdinean kontzentrazioa deitu dute.
Herrira plataformak Laudio, Amurrio eta Urduñako plazatan deitu ditu M18 PLAZARA ekimenarekin bat egingo duten ekitaldiak larunbaterako, hilak 18rako alegia.
Presoei dagozkien oinarrizko giza eskubideak errespetatuak izan daitezela aldarrikatzeko aukera emango dute herriz herri ekimen ezberdinen bidez.
Laudio eta Amurrion 11:00etan abiatuko dira ekitaldiak. Laudiokoan 13:00etan plazan osatuko den mosaiko erraldoia izango da ekitaldi zentrala eta Amurrion ordu berdinean kontzentrazioa deitu dute.
Honez gain Laudioko programak graffiti tailerra, umeentzako jolasak, bideo emanaldia, txistorra jana eta material salmenta eskainiko ditu goizean zehar. Amurriokoan berriz elkartasun fotomaratoian parte hartzea proposatuko dute 14:00ak bitartean eta eguerdi partean hamaiketakoa ere eskainiko da.
Urduñako hitzordua 13:30ean jarri dute. Ordu horretan abiatuko da giza katea Foru Plazatik, kontzentrazio batean amaitzekoa.
Elkartasun gaua Orozkon
Iluntzean Orozkon hartuko dute preso eta iheslarien eskubideen defentsarako ekimenen txanda. Ernaik eta ezker abertzaleak “Euskal preso eta iheslariak etxera” lemapean deitutako kontzentrazioa izango da 20:00etan Zubiaurreko plazan. Jarraian, 20:30ak aldera, trikipoteoa hasiko da eta 21:30ean Izar Mendiguren eta Peio Ormazabal arituko dira gaztetxean ospatuko den bertso afarian. Afarirako txartelak gaztetxean dituzte salgai 10 eurotan.
[video:http://www.youtube.com/watch?feature=player_embedded&v=o1Ja9dmiquY]
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
