Aiarako Euzko Gaztedik bere babesa eskaini dio Aiaraldeko plataformak Laudion otsailaren 22an, arratsaldeko 20:00etan, deitu duen manifestazio deialdiari. Eskualdeko eragile ugari elkartu da Aiaraldeko plataforman, besteak beste: Askapena, ELA, Amurrio, Laudio, Urduña eta Orozkoko Gazte Asanbladak, Gazte Independentistak, Hauspoa, Ikasle Abertzaleak, LAB, STEE-EILAS eta Stop Kaleratzeak Aiara; AEKO-k, Aiaraldeko merkatariza eta zerbitzuen elkarteak ere bere laguntza eskaini dio deialdiari.
Aiarako Euzko Gaztedik bere babesa eskaini dio Aiaraldeko plataformak Laudion otsailaren 22an, arratsaldeko 20:00etan, deitu duen manifestazio deialdiari. Eskualdeko eragile ugari elkartu da Aiaraldeko plataforman, besteak beste: Askapena, ELA, Amurrio, Laudio, Urduña eta Orozkoko Gazte Asanbladak, Gazte Independentistak, Hauspoa, Ikasle Abertzaleak, LAB, STEE-EILAS eta Stop Kaleratzeak Aiara; AEKO-k, Aiaraldeko merkatariza eta zerbitzuen elkarteak ere bere laguntza eskaini dio deialdiari.
Eskualdeko udalerriek krisi ekonomikoaren eraginez pairatzen duten larritasun egoera salatu nahi du EAJ-PNVren gazte erakundeak. Banatu berri duten prentsa oharrean Aiara eskualdean emandako aurreko krisi egoeren azterketa eskaintzen dute: “Historikoki, krisi garaietan Aiara Euskal Herriko eskualde kaltetuenen artean egon da. Lehenengo lerrotik bizi genuen birmoldaketa industriala, enpresen itxiera, eta nola guzti horrek gure eskualdeak izandako langabezi tasa altuenetara eraman izana”.
Aurreko horietan jorratutako irtenbideak ere aztertzen dituzte: “Aiaratar guztien esfortzu eta lanarekin eta administrazio ezberdinen babesarekin lan planak, inbertsioen bidez, eskualdearen ekonomiaren suspertzea ekarri zuten berriz ere”.
Ondorioz, egungo egoerak herri, lurralde eta Erkidego Autonomo mailako erakundeen arreta behar duela aldarrikatzen dute, eskualdearen garapen sozioekonomikoa gelditu ez dadin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
