Telefonia, energia eta aseguru konpainiei buruzkoak izan dira Kontsumoko Udal Bulegoak jasotako kontsulten erdia

Erabiltzailearen aurpegia
Udaletxearen beheko pisuan dago Laudioko Kontsumoko Udal Bulegoa. Argazkia: aiaraldea.eus

Banketxeen jardunaren inguruan eginiko kontsulten gorakada nabarmendu du udal-gobernuak.

Laudioko Kontsumoko Udal Bulegoak 2016 urtean jasotako kontsulten % 50a telefonia, energia eta aseguru konpainien jardunaren inguruan izan da, azken urteetako joerari eutsiz.

Orotara 354 herritar bertaratu da bulegora urtean zehar, 216 kasutan kontsulta baino ez da bideratu eta gainerako 197 kasuetan erreklamaziok bideratu dira.

Bestetik, bulegoak jasotako kontsulten bi heren (3 kontsultatatik 2) laudioarrek burututakoak izan dira. Eskualdeko gainerako herrietatik egindakoei erreparatuta, jasotako kontsulta guztien % 17a, 60 bat, Amurrioko herritarrek bideratutakoak izan dira.

Banketxeak eta zoru-klausulak
Jon Ander Altube alkateordeak banketxeen jardunaren inguruko kontsultek izandako gorakada nabarmendu zuen Kontsumoko Udal Bulegoaren memoria aurkeztean.

Honen harira, zoru-klausulen inguruan herritarren artean sortutako egonezinak gaiaren inguruko kontsulta hazkundea eragin duela gaineratu zuen. Izan ere, Udalak berak gaiaren inguruko mozio edo adierazpena adostu berri du.

Zoru-klausulen inguruko oinarrizko aholkularitza eskaintzen du Kontsumoko Udal Bulegoak, bai hipotekan zoru-klausularik jaso den egiaztatzeko zein honen aurrean eman daitezkeen urratsen inguruan. Horrez gain, Kontsumobidek, Kontsumoko Euskal Institutuak, prestatutako erreklamazio ereduak luzatu eta betetzen laguntzen dute udal zerbitzuan.

Erreklamazioak, azkenik, herritarrak berak aurrez aurre bideratu beharko ditu dagokion kreditu erakundearen aurrean.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide