“Positiboki hezi” guraso eskolak hasiko dira astelehenean

Erabiltzailearen aurpegia

Laudioko Udalak antolatuta, guraso eskolei hasiera emango diete hilaren 19an, astelehena. “Positiboki hezi” lelopean, Osadi osasunezko zerbitzu psikologikoen zentroak hiru eskola eskainiko ditu, seme-alaben ikasketen arabera: Lehen Hezkuntza, Derrigorrezko Bigarren Hezkuntza, eta DBH ondorengoak –Lanbide Heziketa edo Batxilergoa-.

Ekimenaren xedea

Eskolen helburua gurasoen prestakuntza eta esperientzia trukea ahalbidetzea izango da, betiere seme-alaben hezkuntzarekin zerikusia duten gaietan, prebentzio agente gisa duten zeregina gara dezaten.

Laudioko Udalak antolatuta, guraso eskolei hasiera emango diete hilaren 19an, astelehena. “Positiboki hezi” leloaren azpian, Osadi osasunezko zerbitzu psikologikoen zentroak hiru eskola eskainiko ditu, seme-alaben ikasketen arabera: Lehen Hezkuntza, Derrigorrezko Bigarren Hezkuntza, eta DBH ondorengoak –Lanbide Heziketa edo Batxilergoa-.

Eskolen helburua gurasoen prestakuntza eta esperientzia trukea ahalbidetzea izango da, betiere seme-alaben hezkuntzarekin zerikusia duten gaietan, prebentzio agente gisa duten zeregina gara dezaten. Horretaz gain, seme-alaben ongizatearekin eta hezkuntzarekin erlazionatutako zenbait gairi buruzko berariazko prestakuntza eskaintzea izango dute xede. Esate baterako, osasuna zaintzea, drogen prebentzioa, gizarte eta familia harremanak, ikasteko teknikak… izango dituzte hizpide.

Hiru eskolen lehenengo saioa urrian eskainiko da. LH eta DBH ondorengo ikasketak egiten ari diren seme-alaben gurasoen eskolari astelehenean emango zaio hasiera. LHri dagokiona Herriko Plazako erabilera anitzetarako gelan izango da, 15:05etan hasita 16:20ra, “Nola garatu mental eta fisiko ongizatea familia aldetik. Babesa faktoreak” gaiarekin. DBH ondorengo ikasleen gurasoen saioa, berriz, Kultur Etxeko 17garren gelan eskainiko dute, 18:15etik 19:30era, “Nola prebenitu familia aldetik droga arazoak eta beste adikzioa. Babesa faktoreak” izango dutela hizpide. DBHn seme-alabak dituzten gurasoek, bestalde, urriaren 26an jasoko dute lehenengo saioa, erabilera anitzetarako gelan, 15:05-16:20 bitarte. Kasu horretan gaia Lehen Hezkuntzan eskainitako berdina izango da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide