Europako Giza Eskubideen Auzitegiak Estatu Frantziarrari behin behineko atxiloketa modu desegokian luzatzeagatik kondena ezarri dio. Izan ere, legearen arabera, denbora tarte jakin batetan epaitu behar dira atxilotuak, kasu honetan bi: Patxi Abad laudioarra eta Mikel Almandoz.
Biek ia 6 urte itxaron zituzten epaituak izateko; 2003an izan ziren atxilotuak eta 2009ra arte ez zituzten epaitu. Estrasburgok ezarritako zigorraren arabera Estatu Frantziarrak 5000 euro ordaindu beharko dizkio kaltetutako bakoitzari. Horri 2000 euroko tasak gehitu behar zaizkio.
Ez da, ordea, Estatu Frantziarra arrazoi horrengatik epaitutako lehen aldia. Zehazki zazpigarren kondenaren aurrean aurkitzen da, aurrekoetan ere kaltetuak euskal herritarrak izan direlarik. Sententzia horrekin, gainera, pasa den urtean antzeko egoeran ezarritako zigorra indartu egiten da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
