Uztailaren hasieran itxi zuen Udalak aurtengo jaietarako atrakzioak jartzeko eskakizun epea. Ez zuen, ordea, batek ere izena eman. Hori dela eta, EAEko ferietako elkarteak idatzi bat bidali zion Udalari, batzartzeko eskatuz. Negoziazio estuen ondoren, akordioa sinatzea lortu dute, 2013 eta 2014rako. Izan ere, Udalak atrakzioen prezioa jaistea eskatzen zuen bitartean, ferietako elkarteak igo edota pasa den urtekoaren pare mantentzea zuen xede.
2013an 1,50 euroko balioa izango du bi minututako bidaiak. 2014an, aldiz, 1,80 euro, pasa den urtean 2 eurotan zehaztu zelarik. Gainera, egun herrikoian, urte bietan, bidaia euro bateko prezioan ezarriko da. Horretaz gain, akordioan euskararen erabilera bermatzea eskatzen da, bai karteletan nola musikan ere.
Hitzarmena sinatu ahal izateko, Udalak lurraren tasak kobratzeari uko egin behar izan dio.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
