LAB sindikatuak “Construcciones Pagolar” enpresak hartutako erabakia ez kalifikagarritzat hartu du. Izan ere, sindikatuaren arabera, obrako lau langiletatik hiru kaleratzea soldataren %25aren murriztea eta urteko lanorduak 200 ordutan luzatzea ez onartzeagatik eman da. Zentzu honetan Arabako eraikuntzako hitzarmen probintziala bete ez dela esan du, are Lan Inspekzioak enpresari bere jarrera aldatzeko eskatu zionean. Horregatik, ez berritzearekin batera patronalak egungo hitzarmenak betetzen ez dituela salatu du euskal sindikatuak.
Bulegoan diharduten zortzi langileek lanpostua mantenduko dute. LABen arabera honekin ulertzen da enpresak azpi-kontratazioa baliatuko duela, irabaziak mantendu edota handitzearen helburu bakarrarekin.
Honen aurrean, LABek obrak esleitu edota kontratuak egiterako orduan, bereziki publikoak direnean, hau kontutan hartzea eta instituzioek hitzarmen probintziala betetzea exijitzea eskatu du.
Lipmesako langileek eskutitza utzi dute merkataritza arloko epaitegian
Idatzian langileek enpresako zuzendaritza kaxkarrak egoera larrira ekarri dituela aipatzen dute. Hala, orain dela hiru urte Klarius multinazionalak erosi zuenetik enpresaren jarraipena bermatze aldera neurririk hartu ez izanak zuzendaritzaren lidergo gaitasun eza agerian uzten duela uste dute. Gainera, 2011n langileei hobekuntza ekonomikoa jakinarazi zitzaienetik, hartutako erabakiek berriz ere egoera larritu omen dute.
Enpresaren gestioarekin kontrastean, langileek sakrifizioak egin dituztela aipatzen dute. Horien artean, soldata igoerarik ez jasotzea edota instituzioen laguntza bilatzea aurkitzen dira.
Eskutitzaren amaieran eskaera zuzen bat egiten da enpresaren eta lanpostuen mantentzearen alde.