Unai Rementeria Bizkaiko Foru Aldundiko bozeramaile eta Lehendakaritza diputatuak Euskadi Irratiko Faktoria saioan egin dituen adierazpenak gezurra direla dela esan du Bizkaiko EH Bilduk. Izan ere, adierazpenetan, Urduñako Udalak aurkeztu duen planaren neurri bakarra Aldundiak Urduñederra udal sozietatearen akzioak erostea dela ziurtatu du.
Baieztapen horien aurrean, EHBildutik plan ekonomikoaren %75a udalak hartu beharreko neurriei dagokiola esan dute; dagoeneko bete direnak, gainontzeko %25a Aldundiari dagokiolarik. Azkeneko zati hau, Aldundiaren inplikazio eza dela eta, bete gabe dago.
Rementeriaren ahotik, behin eta berriz, Aldundia laguntzeko prest dagoela entzun arren, egin duen proposamen bakarra kreditu bidezko zorpetzea areagotzea dela esan du koalizio abertzaleak. Gainera, Urduñak zorpetzeko ahalmenik ez duela gehitu du, 2005ean aurreko udal taldeak Aldundiarekin batera 2 urtetan eraikiak izango ziren 200 etxebizitzen –gerora soilik 12 eraiki badira ere- proiektuaren diru sarreren bidez zorrari aurre egin ezin izan diotelako.