2012ko ekainaren 13an egindako batzarrean, segurtasun eta osasun komiteak adostutako akordioaren arabera, amiantoaren presentzia instalakuntza eta sail munizipaletan analizatzeko estudio bat egitea erabaki zela aipatu du udalak, beharrezkoak diren neurriak hartu ahal izateko. Honen bidez, CCOOk bidalitako prentsa oharrari erantzuten dio, non neurriak hartzeko gonbitea luzatzen zuen.
Estudioaren konplexutasuna eta beharrezko espezializazio maila ikusita, lan arriskuen asesoramendu eta prebentzioa kontratatzea ezinbestekoa izan zela aipatu da Udaletik. Horretarako NOVOTEC enpresa kontratatu zuten 2012ko azaroaren 5ean, guztira 21320,20 euro ordainduta. Enpresak orduan ekin zion estudioa lantzeari. Lana bideratzeko, udal langileek instalakuntza eta sail munizipalen zerrenda helarazi zioten.
Estudioak bi fase izan ditu; lehenengoan eraikuntza edo erreforma urtearen arabera, zein eraikinaren erabileraren araberako aukeraketa egin da. Eraikin berriak estudiotik baztertu dira. Bigarren fasean, inspekzioak egingo dira, beharrezkoa duten eraikinetan. Dagoeneko lan horretan ari direla adierazi dute udal ordezkariek.
Gainera, amiantoaren arriskuaren aurreko prebentzio neurriak hartu direla ere adierazi dute. Horren adibide da 12 urtez kontratatua izan den, eta jarraitzen duen, Acualia enpresa, zeina ur edangarriaren sarearen mantentze lanez arduratzen den. Enpresak amianto arriskuaren erregistro ziurtagiria eguneratuta du, eta, beraz, egungo arautegia bete behar du.
Egunotan, Udalak Osalanen informea jaso du eta segurtasun eta osasun komitera eramango du, udal langileen errepresentazio sindikalarekin analizatua izateko.