Landaluze kaleko 17 eta 27 eraikinak inguratzen dituen errepidea norabide bakarrekoa izango da aurrerantzean. Auzo batzarretan, eta beste udal kanal batzuen bitartez, udalari behin eta berriz eskatu dioten neurria ezartzea lortu dute Landaluzeko bizilagunek.
Erabakia demokrazia zuzenaren bidez hartu dela adierazi du Laudioko Udalak. Izan ere, norabide bakarraren aurreko adostasun eta desadostasunak ikusita, korapiloa bozketa bidez askatzea erabaki zuten. Hala, etxebizitza bakoitzeko boto bat emanda, azkenean aldaketaren aldekoak gailendu dira.
Guztira, 120 etxebizitzetatik, 77k hartu dute parte, hots, %64,16k. Parte hartzaileetatik 26 (%33,77) aurretik zegoen moduan -bi norabiderekin- uztearen alde agertu dira. Besteek, guztira 51k (%66,23), aldatzeko apustua egin dute.
Udalak jakinarazi duenez, ahal bezain laster aldatuko du seinaleztapena.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
