2013 urtea hasi berria da eta lehenengo mobilizazioen deiak ate joka ditugu Aiaraldean. LIPMesako langileek, euren etorkizuneko egoera zalantzakorra salatzeko, Aretatik abiatuta, manifestazioak egingo dituzte hilaren 8 eta 10ean. 17an, berriz, Laudioko Plazan elkarretaratzea egitera deitu dute.
JEZeko langileek, bestalde, errelebo bakoitzeko 3 orduko lanuzteak egingo dituztela iragarri dute, lan hitzarmenaren negoziaketek aurrera egin ez dutela arrazoi izanda. Izan ere, langileen arabera, enpresako zuzendaritzak lan erreforma aplikatzeko intentzioa erakutsi du. Honen bidez, soldata masa %5ean txikituko litzateke. Gainera, horri aurretik hartutako neurriak gehitu behar zaizkio.
Egun, langileak urte bateko Enplegu Erregulazio Espedientea pairatzen ari dira, soldataren murriztea eragiten duena. Honekin batera, soldataren izoztea aplikatu zaie. Lanuzteak, hortaz, lan erreformaren aplikazioari ezetza erakusteko egingo dituzte, lan hitzarmenaren negoziaketetan aurrera egiteko nahiarekin.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
