Guardianeko langileek greba bukatutzat eman zuten pasa den astean, enpresak Enplegu Erregulazio Espedientea atzera bota eta hitzarmenaren negoziaketei heldu ziotenean. Hala ere, aurretik, larunbaterako, hilaren 22a, antolatuta zuten jai herrikoiarekin aurrera jarraituko dute.
Ekimen honen bidez lortutako dirua egitasmo desberdinak finantzatzera bideratuko dute. Hala, txosna, zozketa, loteria eta egutegietatik ateratako dirua antzeko egoeran dauden eskualdeko enpresetako kideei emango diete, hala nola Stop Desahucios, Asasam, Caritas… eta bestelako elkarteei.
Langileen hitzetan, asmoa herriak haiei emandakoa herriari itzultzea da.
Jarraian larunbateko egitaraua:
11:00 Txupina
11:00-14:00 Puzgarriak
12:00 Buruhandiak, Galtzagorri Kultur Taldearen eskutik
13:00 Los Arlotez
14:00 Indabada, Laudioko Institutuan. Tiketak Kapritxo, Tolo, Valle eta Avenida tabernetan egongo dira salgai
17:00 Sorgin Zapatuak. Tor magoak ikuskizuna egingo du.
17:30 Igel txapelketa Aldai Plazan
18:00 Laudioko zanpantzarrak
19:00 Umeentzako txokolatada
20:00 Disko festa
20:30 Saskiak zozketatuko dira.
Egunean zehar txosna.