Bihar, hilaren 29an, astelehena, Laudioko Udaleko osoko bilkuran eztabaidatua izango den mozioa aurkeztu dute EAJ-k eta Bilduk. Mozioak preso gaixoen eskubideen aitortza du helburu, horretarako indarrean dagoen legedia baliatuta. Hala, “giza arau eta eskubide horiek diren moduan onartu behar dira, edozein delarik ere aukera, egoera edo interes politikoa” aitortzen da aurkeztutako idatzian.
Ekimenaren bultzatzailea alderdi jeltzalea izan da. Hasieran aurkeztutako mozioa hiru puntuz osatuta zegoen, gerora, Bilduren ekarpenarekin, laugarren puntu bat gehitu zaiolarik.
Besteak beste, sakabanaketa eta inkomunikazioaren salaketa, presoen osasun, hezkuntza eta hizkuntza eskubideen bermea edota kasuan kasuko onuren ezarpena zein kaleratzea jasotzen dira.
Aipatutakoei, gaixotasun larri eta sendaezinak dituzten presoen baldintzapeko askatasunaren eskaera gehitu zaie mozioaren berrikuspenean, “beharrezkoa duten osasun tratamendua baldintza egokietan jaso dezaten”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
