Guardian enpresako zuzendaritzak kaleratzeak egongo direla jakinarazi die langileei, grebaren osteko hitzarmenaren inguruko eztabaidarako deitutako bileran. Langileek esan dutenaren arabera, enpresak haien kopuru handia kaleratua izango dela esan zien, zenbaki zehatza eman gabe.
Datorren astelehenean zuzendaritzarekin biltzekoak dira. Bertan emango zaie honen guztiaren berri. Bien bitartean, langileek bi biltzar egin zituzten atzo, egoeraren aurrean hartu beharreko neurriak eztabaidatzeko. Goizekoan 110 pertsona inguru izan ziren eta arratsaldekoan hortik gora, guztira 400 langiletik hurbil dituen enpresan.
Biltzarretan, sindikatuak biltzen dituen komitearen lasaitasun eskakizunari bizkarra emanez, gaur eta bihar, zein hilaren 23 eta 24an, grebarekin jarraitzea erabaki zuten, eta, lanpostua defendatze aldera, egoerak hobera egin ezean, greba mugagabeari ekingo lioketela aditzera eman dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
