Hamar lanuzte egin eta gero, uztailaren 8a baino lehen ez dute besterik egingo TRI enpresako langileek, zuzendaritzak hala eskatuta. Arrazoia, aldarrikatzen zituzten hiru puntuak bermatuko dituen aurre akordioa sinatu izana: lanaldiaren distribuzio irregularra, ultra aktibitatea eta hitzarmen kolektiboaren gaineko zuzendaritzaren legezko aldaketak ekiditea.
Gatazkaren jatorri izan diren hiru puntuak aurre bermatu izanak garaipen zaporea utzi du langileengan. Ez da, dena den, betiereko akordioa, eta datozen egunotan zuzendaritzarekin izango dituzten bileretan negoziatu beharko dituzte nondik norakoak. Aurrera ez egitekotan, lanuzteetara bueltatuko direla jakinarazi dute langileek, betiere, ahaztu gabe, uztailaren 8rako ezarritako epea aurre akordioan lortutakoak mantentzeko baldintza dela.
Langileen ordezkari gehienek (UGT, CCOO, LAB, ELA…) sinatu badute ere, bada egin ez duenik, produkzioaren gehiengoa egunotan egiten dela argudiatuz, eta lanuzteak presiorako tresna moduan aldarrikatuz. Gainera, aurretik batzorde guztiak zuzendaritzarekin sinatutako aurre akordioa sindikatuotako langileek, aipatutako 3 puntuak ez betetzeagatik, atzera bota zuten.