Pasa den asteko ostegunean, hilaren 17, ospatu zen osoko bilkuraren harira EAJ-k egindako deklarazioei erantzuna eman die Aiara Batuz talde politikoak.
Deklaraziotan, parte hartze ezari kritika egiten zaio, espediente irekidunek eragindako herritarrak eztabaidara ez gonbidatzeagatik, EAJ-k eta PP-k espresuki eskatu bazuten ere. Honen aurrean Aiara Batuz-ek bere erabakia defendatu du, lan hori zinegotziena dela esanda eta, legegintzaldi hasieran proposamen hau egin zenean talde guztiek onartu zutela gogoratuz, nahiz eta egoera berezietan kaltetutako norbanakoen parte hartzeari atea zabaldu.
Honekin batera, alderdi jeltzaleak politikariak arazoak konpontzeko daudela esandakoaren aurrean, Aiara Batuz taldeak komisioan saiatu ez izana kritikatzen du, kaltetuengana zuzenean joz udaletxearen aurka jartzeko. Are gehiago, gehitzen du, talde politiko denek norbanakookin hitz egiteko aukera izan dutenean.
Bildurentzat giltza
Deklarazioen bigarren zatian Aiara batuz eta Bilduren arteko lotura salatu zuen EAJ-k, lehenengoa bigarrenaren tresnatzat aurkeztuz. Honen aurrean, herritarren taldeak, gogoratu du alderdi politikoekiko independentea dela eta kasuan kasuko ideiak eta proiektuak defendatuko dituela, nahiz eta ohiko politikarientzat “ulertzeko zaila” izan.
Bukatzeko, eta aurrekoarekin lotuta, Bilduren aurrekontuen alde bozkatu izana leporatzen diote, Araba Euskaraz jaialdiari diru-laguntzak emateari utzi eta Aiarako elkarte kultural bakarrarekin hitzarmen bat sinatzearen truke, hauek izan direnean zuzenketak planteatu dituzten bakarrak; parke mugikorraren hobekuntza, eskola publikoari laguntza, Hiri Ordenakuntzarako Plan Orokor berria eratzeko tramiteen hasiera… izan dira, besteak beste, planteatutako zuzenketak, Ikastolaren inguruaren konponketa, lan poltsa berrien eraketa... Bildurekin negoziatu izanarekin batera.