Tubos Reunidos enpresako zuzendaritzaren immobilismoa arrazoi, Enpresa Batzordeak maiatzaren 28tik aurrera lanuzteak areagotuko direla adierazi du, iraunkorrak izango diren 24 orduko greba alternoak eginez.
Helburua hitzarmen kolektiboa aurrera eramatea da, zeina, euren esanetan, lan erreformaren arlo atzerakoiak ez onartzean datzan. Izan ere, lege hau egoera ekonomiko larria duten enpresentzat ondo ikusi arren, ez dute TRI enpresa multzo horretan kokatzen, 2011ko irabaziak 24,4 milioikoak izan baitira eta 2012ko lehenengo hiru hilabeteen etekin ekonomikoak positiboak.
Beraz, enpresaren jarrera oportunismoan kokatu egin dute, lege berri honetaz baliatu nahi duelako urteetan borrokatuz lortutako langileen eskubideak murrizteko.
Egoera honen aurrean, atzokoaz gain, ostiralean bigarren lanuzte bat egingo dute, aipatutako maiatzaren 28tik aurrera egingo direnei batzen zaiena.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
