Amurrion 2007. urtetik gaurdaino ospatu izan den Begibistan euskal zinearen astea bertan behera geratu da. Jaialdia Antzokiaren lehenengo urteurrena ospatzeko eta Euskal Herrian sortutako laburmetraiak sustatzeko sortu zen eta 5 edizio izan ditu.
Bizitza labur honetan zuzendari eta aktore zein aktoresentzat erreferentzia bilakatu da, euren lanak ezagutarazteko tresna baliagarritzat izan baitute. Gainera bizirik zegoen laburmetrai txapelketa bakarra izatearen ohorea zuen.
Kolaborazio anizdun jaialdia izan da, bere magnitudearen erakusgarri direnak; Arabako Foru Aldundia, Eusko Jaurlaritza, euskal filmoteka eta Amurrioko zenbait enpresa, estatu mailako zine jaialdi desberdinekin batera, osatzen zuten laguntzaileen taldea.
Utzitako hutsunea “made in Amurrio” ikuskizunak beteko du, herritarren parte hartzea ardatz duena.
Bilduk egoera salatu du
Bilduk udalaren jarrera salatu egin du, 5 edizioren ostean, beste inoren iritzia kontutan hartu gabe, jaialdiarekin aurrera ez jarraitzea erabaki duela argudiatuz. Honekin batera Amurrio herria ezagutarazteko tresna baliagarria galdu izana deitoratu du, Kepa Sojo zuzendariaren lan eskerga txalotzearekin batera.
EAJren kulturarekiko konpromiso eza salatzen bukatu du alderdiak.