Urduña hiria famatua da aeromodelismoaren praktikarengatik. Orain dela gutxi arte kirol honen inguruko klub bakarra zegoen arren, zituzten helburuak adosteko tira birak medio, bazkideek bitan banandu zuten euren ibilbidea, R.C Nervion eta Alas de Orduña osatuz.
Alas taldeak denbora luzea lanean badarama ere, 2012 urte honetan erakusketa eta praktika aeromodelistikora zuzendu nahi ditu indarrak. Kluba 27 kidek osatua da, zeinek 30 urte luzez euren sakrifizioa eskaini dioten kirol honi. Hastapenetan Getxon jardun baziren ere, Delika inguruan lan egin dute orain dela 10 urtetik gaurdaino.
2012 urtea bizia aurreikusten da klubarentzat. Asteburuetan hegan egiten jarraitzeaz gain, eguraldia lagun duten bitartean behintzat, hegaldi birtualeko topaketa bat, Otxomaioetan kontzentrazioa, erakusketa estatikoa Foru plazan, airean hegan mantentzeko kurtso intentsiboa, argazki lehiaketa eta aeromodelismoko eraikuntzarako beste kurtso bat antolatuko baitituzte.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
