2005. urtean Gasteizko hiltegia itxi zenetik Laudiokoa da Araban aurrera jarraitzen duen bakarra.
Etekin handirik ematen ez badu ere, esparru lokaleko abeltzain eta harakinei zerbitzu handia eskaintzen die. Azkeneko hau da hain zuzen ere nekazarien sindikatuetatik aldatu nahi dena, eskualde izaeraz janztea, zerbitzu zabalago bat eskaintzeko asmoz.
Behar honen inguruan hitz egiteko batu dira aiaraldeko abeltzainak, non, egoera kaxkarra dela eta, instalazioen birgaitzea eta zatitze gela baten eraikuntzaren premiaren ondoriora heldu diren, produktuak bertatik komertzializatu ahal izateko.
Proiektu honek, dena den, aurrekari desberdinak ditu eta horien burutzeko ezintasunagatik indartu egin da azkenean, elkarrekintzaren aukera bideragarria bazen ere. Besteak beste, Agurainen burutzekoa zen proiektuak ez du data zehatzik ezta Amurriok instalazioen eraikuntzarako eskainiko zuen lur eremuaren ematea ere.
Ez da Laudion eskualdeko hiltegi baten sorrera planteatzen den lehen aldia; Amurrioko instalazioekin batera fusionatzea baloratu egin zen iraganean, gorago aipatu bezala.
Udalak honen guztiaren inguruko analisia eta estudioa egingo duela adierazi du.