Lantokiko Prestakuntza, lanbide heziketaren ezaugarri nagusia da, lan merkatuaren eta ikaslearen arteko zubia. Nire iritziz oso ikasgai aberasgarria da ikasleentzat, klasean ikasitako materiaren arlo praktikoa aurkitzeaz gain pertsona gisa beraien autonomia lantzen dutelako. Askorentzat lehen kontratu bat lortzeko aukera ere bada. Adibidez pasa den kurtsoan Lantoki Prestakuntza egin zuten ikasleen heren batek lehen kontratu bat lortu zuten lantegi berean, eta beste %25ek beste toki batean praktikak bukatzerakoan.
Lantokientzat ere positiboa dela uste dut, etorkizunean beharko dituzten langileen formazioan parte hartu dezaketelako. Oraindik lan asko dago egiteke, kasu askotan lantegiek ez dute langile berririk hartzen, harik eta dituzten langileak erretiratu arte. Gero etortzen dira arazoak, langile berriak ez dira %100ean aurreko langileen funtzioak betetzeko gai lehen egunetik, eta horrek produktibitatean dauka eragina. Azken urte hauetan joera hau aldatzen ari den arren, asko aurreratu beharko da lanpostu duinak mantentzeko. Azkenik, Aiaraldeko etorkizuna bermatu nahi badugu, derrigorrezkoa izan beharko da ikasleek, lantegiek, ikastetxeek eta gainontzeko eragileek batera lan egitea. Lantokiko Prestakuntzak bere arroz alea jartzen du paella erraldoi honetan, baina guztion esku dago kuzinatzea.