Arabako Foru Aldundiak Lan Eskaintza Publiko (LEP) baterako deia egingo du aurten. Guztira, 40 lanpostu eskainiko dituzte, hutsik dauden 36 administrari lanpostu eta bete gabe dauden lau albaitari lanpostu betetzeko. Azterketak ekainean egingo dituzte, eta 2017ko LEPeko 51 lanpostuak ere hartuko ditu.
Cristina Gonzalez Enplegu, Merkataritza eta Turismo Sustapenaren eta Foru Administrazioaren foru diputatuak prentsaurrekoan aurkeztu du lan eskaintza publikoa. Azaldu duenez, azken hilabeteotan langileen batzordearekin negoziatzen ibili eta gero onartu dute lan eskaintza.
Gonzalezen esanetan, 2017ko eskaintzako hautaketa prozesua eta 2018koa batera gauzatuko dira datorren urtean, egutegi honi jarraituz: deialdien oinarri orokorrak eta espezifikoak urtarrilean onetsi eta argitaratuko dira, eta lehenengo probak udaberri amaieran egingo dituzte, seguruena ekainean.
Albiste hau Alea.eus atarian argitaratu da eta CC-BY-SA lizentzia erabilita ekarri dugu hona.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
