Koparen azken partida. Finalaurrekoa Gasteizko nesken aurka. Irabaztea beharrezkoa zen finala jolastu ahal izateko.
Betoñora iritsi eta beroketa ariketetan gauzak argi ikusi genituen, Gasteizko jokalariak ez ziren ligako berdinak, bazeuden taldeko goi mailako jokalari batzuk, eta ziur geunden jolastuko zutela. Eta jolastu zuten.
Partida borroka handikoa izan zen. Lehenengo zatia amaitu baino lehen, Sharon-ek gola sartu zuen. 0-1.
Bigarren zatiak horrela jarraitu zuen, baina Gasteizko neskek gola sartu ziguten. 1-1. Urduritasuna nabaria.
Momentu batean penaltia gure aurka, ez zen penaltia baina horrela erabakitu zen. Gola azken minututan. 2-1. Egindako guztia hor geratu zen.
Gasteizko neskek ez zuten ospatu. Gu, triste zelaian. Kanpoan Aurrera nesken taldea finala jolastuko zutela ospatzen, gu galdu genuelako.
Gainera, hiru taldekide lesionatuta atera ginen partida horretatik. Kopa ondo igaro zen. Azken partida baino lehen bakarra galdu genuen. Berdinketa bat. Besteak irabazi. 8 partida izan ziren. 5 kanpoan eta 3 etxean.
Aurten berriz, atean geratu ginen. Hurrengo denboraldian aldaketa handiak egongo dira. Alde bateti,k entrenatzaile aldatuko da, Iñigo Virgiliori postua emango dio eta harekin beste entrenatzaile bat dator, atezainak entrenatzeko.
Taldean ere aldaketa nabariak egongo dira. Aldaketa horiekin helburu berriak egongo dira eta taldea ondo uztea espero dugu.
Taldea pozik dago finala jolastu ez arren. Denboraldia kili-kolo izan dugu hainbat lesio egon direlako. Denboraldi erdian bageunden jokalari gehiago kanpoan barruan baino. Baina egindakoarekin pozik.
Altzarrate taldeko proiektua aurrera doa eta urte askorako izatea espero dugu emakumezkoen futbola gehiago nabarmentzekoaren proposamenarekin.