[KRONIKA] Asteburu berezia koskorrentzat

Asteburu berezia izan dugu koskorrek. Otsailak 16 heldu egin zen.

Egun horretan, Gasteizetik hainbat talde etorri eta gure urduritasuna geroz eta handiagoa zen. Ez genituen ia haur eta monitore berri horiek ezagutzen, baina haiekin momentuak bizitzeko eta ikasteko irrikitan geunden. Egia da, Amurrioko koskorrak haiekin konparatuz, askoz gutxiago garela, baina familia bat eratu dugu gure artean. Orduan, nahiz eta haiek askoz gehiago izan, elkarrekin geunden ondo pasatzeko asmoz.

Eguna hasteko eta gure artean konfiantza eta erosotasun giro bat sortzeko asmoz, jolas desberdinak egin genituen. Jolas horien bidez, beste taldeko lagunen izenak, gustuak eta nongoak ziren ikasi genituen. Bazkaltzerako orduan, denak elkarrekin eseri eta bakoitzak etxetik eramandako bokata eta fruta jan genituen.

Arratsaldean, 8 adimen motak landu genituen jolas desberdinen bidez. Hasteko, pisten jolas bat burutu genuen non haurrek monitore desberdinak bilatu behar zituzten azkeneko pertsona bilatu ahal izateko. Merienda hartu eta beste jolas batzuk egiten hasi ginen. Afaria baino lehen, arratsaldeari bukaera emateko asmoz, gogoeta bat egin genuen gaur egun gure gizartean dagoen aniztasuna oinarri izanda. Gauean, Gasteizkoek asmatutako jolas berri batera jolastu genuen.

Igandean, naturarekin harremanetan egotea gustuko dugunez, gosaldu ostean San Roquera abiatu ginen Reforretik. Paseotxo luze hori eman eta bazkaldu ostean, Gasteizeko lagunei agurra egin eta bakoitza bere etxera abiatu zen.

Eskerrik asko parte hartu duzuen monitoreei eta eskerrik asko koskorrei. Espero dut, geroz eta gehiago izatea eta guk sortu dugun familia hau handitzen hastea.

BETI PREST!

Norbait apuntatu edota probatu nahi izatekotan idatzi mezu bat korreo honetara: amurrio.eskaut@gmail.com