Josune Irabien alkatea eta Txerra Molinuevo alkateordea Urdulizera hurbildu ziren iragan ostegunean, Amurrion bildutako tapoiak entregatzeko. Guztira, Araitzen, meningitisaren ondorioz sortutako burmuin paralisia duen txikiaren, beharrak betetzen lagunduko duten 1.040 kilo dira.
Amurrio, urte luzez udalerrian dauden puntu garbietan plastikozko tapoiak biltzen daramatzan herri solidarioa da. Denbora horretan bildu diren tapoi guztiak udal pabiloi batean gorde dira, norbaitek horien beharra izan arte.
Araitzen kasua ezagutzean, Udala familiarekin harremanetan jarri zen, orain arte batu den tona eskaintzeko. Atzo eman zitzaizkion familiari umearen beharrei aurre egiten laguntzeko balioko duten tapoiak. Epe laburrean, Araitzen ongizatea hobetzeko, bere garapen egokia bultzatzeko aukera emango duen bipedestadore bat erosi beharko dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
