Martxoaren 8ko, Emakumeen Nazioarteko Eguneko, jardunaldiak, garrantzi berezia izan du aurten Amurrion, eta hori, egun horren inguruan antolatu ziren jardueretan nabarmendu da. Amurrioko herritarren partaidetza ikusgarria izan da. Horren adibide, martxoaren 8an izandako ekintza jendetsuak izan ziren, Juan Urrutia plazan egindako elkarretaratzea, besteak beste.
Joan den asteko larunbatean, Juan Urrutia plazan, Kaskagorri eta Altzarrate kirol taldeek antolatutako Berdintasunaren aldeko lehenengo Ibilbide Neurtuan parte hartzeko 400 pertsona baino gehiago elkartu zirela ere azpimarratu behar da.
Interesa piztu duen eta herritarren aldetik erantzun bikaina jaso duen beste jardueretako bat, emakume bertsolarien eta idazleen mahai ingurua izan zen. Bertan Onintza Enbeitak, Ane Labakak eta Izar Mendigurenek hartu zuten parte. Ekitaldi horretara Amurrioko ikastetxeetako eta AEKko 187 pertsona joan ziren.
Udalak eskerrak eman nahi dizkie aipatutako jardueretan eta martxoaren 8aren inguruan programatu ziren beste batzuetan parte hartu zuten pertsona guztiei, euren inplikazioa erakutsiz gizartean aldaketak emateko beharra adierazteko orduan. Horrez gain, Udalak bere eskerrona bideratu nahi die Kaskagorri eta Altzarrate kirol taldeei, Berdintasunerako Udal Kontseilua osatzen duten emakumeei, Otsemeak eta Aurreraka elkarteetako kideei eta ekintza desberdinak aurrera eramaten lagundu duten emakumeei, martxoaren 8a ospatzeko egin duten lan guztiarengatik.
