Arrastarian egongo litzatekeen nekazaritza parkeak biztanleriaren gaztetzea eta abeltzaintza-nekazaritza ustiapenen bideragarritasuna bultzatuko luke

Erabiltzailearen aurpegia
Aurkezpenaren irudi bat. / Amurrioko Udala

Amurriko Udalak, nekazaritza parkearen diagnostiko azterlanaren emaitzak aurkeztuko ditu eta eman beharreko hurrengo pausoak definitzen hasiko da. Lan jardunaldian Josep Montasell i Dorda, Baix Llobregat-eko nekazaritza parkearen zuzendari ohia eta Agroterritorio Fundazioaren Batzorde tekniko-zientifikoaren arduraduna egongo da.

Amurrioko Udalak, Arrastarian nekazaritza parke bat osatzeko egin den diagnostiko azterlanaren emaitzak aurkeztuko ditu gaur. Bertan, gaur egun inguru horretan ari diren eragileen beharrak, ardurak eta ekarpenak hartu dira kontuan. Azterlanak, inguruneari ematen zaizkion erabilerak, jarraitzen diren dinamikak eta proiektuak eskaini ditzakeen aukerak ere jasotzen ditu. 

Diagnostiko azterlanaren emaitzak aurkezteaz gain, Amurrioko Udala hurrengo pausoak definitzen hasiko da laneko jardunaldi batean, euskal administrazioetako ordezkariekin batera, Eusko Jaurlaritza, Arabako Foru Aldundia, Landa Garapenerako Zabaia Elkartea, Aiarako koadrila, Amurrioko eta Urduñako Udalak eta proiektuarekin erlazio zuzena duten Arrastariako Administrazio Batzarrak.

Lan saioan, Josep Montasell i Dorda, Baix Llobregat-eko nekazaritza parkearen zuzendari ohia eta Agroterritorio Fundazioaren Batzorde tekniko-zientifikoaren arduraduna ere egongo da, estatuko lehenengo nekazaritza parkearen sorreran eta kudeaketan izan duen esperientziaren berri emanez eta Euskadiko lehenengo nekazaritza parkea izan daitekeena definitzeko aholkularitza eskainiz.

Egindako azterlanean lau emaitza nagusi azpimarratu behar dira. Arrastariako Harana, nekazaritzako jarduera profesionala eta autokontsumo jarduerak batera ematen diren gunea da. Jarduera horietako gehienek hiru mailatan erabiltzen dute haraneko espazioa, haranaren behealdea, hegala eta mendia. Gune horietako bakoitza aprobetxamendu desberdin baina osagarrietarako erabiltzen duen eredu tradizionala da, ustiapenen bideragarritasuna hobetzen eta dauden baliabideak baliatzen lagunduz.

Halaber, nekazaritzarako balio altua duen gunea da, baina baita paisaiaren eta naturaren ikuspegitik ere. Inguru horretan dagoen hirigintza arloko garapen bakarra, berau osatzen duten 4 administrazio batzar bakoitzaren nukleoetan dauden etxebizitzei dagokiena da. Horrez gain, abeltzaintzako nabeak ere badaude.

Halaber, Arrastariako nekazaritza-abeltzaintza sektorearen beste ezaugarri bat espezializazio maila altua da. Ustiapenen barruan ohikoak dira irudi kolektiboak, baina tokiko lehen sektorea ez dago kolektibo gisa antolatuta.

Amaitzeko, hauteman diren arazo nagusiak biztanleriaren zahartzea eta ustiapenen bideragarritasun falta dira. Hori dela eta, belaunaldi errelebu falta sor daiteke.

Etorkizunean landu beharreko jarduketarako ildoak ustiapenen diru-sarrerak handitzea, produkzio kostuak murriztea, nekazaritzan eta abeltzaintzan lan egiten duten pertsonen zainketa eta ongizatea, eta lanbideari duintasuna ematea dira, eta baita nekazaritzako jarduerak ingurumen, paisaia eta ondare aldeko babes baldintzetara egokitzeko laguntza ere, beste batzuen artean.

Erlazionatuak

Euskal Autonomi Erkidegoko lehen nekazaritza-parkea, Arrastarian

Amurrio

Arrastariako zonaldea nekazaritza-parke izendatzeko prozesua abiatu dute. Urtarrilaren 10ean egingo dute egitasmoaren aurkezpena, Delikan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide