Amurrioko Udalak luminariak ordezkatuko ditu datozen hilabeteetan, oinezkoen igarobideetako argiztapena hobetzeko xedez. 9.590 euroko inbertsioa eskatuko duen jarduketan aurreikusten denez, argi gehiago eta kontsumo gutxiago emango duten 15 led farola instalatuko dira.
Luminariak, Mendiko, Lucas Rey, Bañuetaibar, Landako, Aldai (Musika Etxerako sarrera) kaleetan, Aldai eta Etxegoienbidea kaleen arteko bide-gurutzean eta Iturralde eta Aiara etorbideetan dauden udalerriko 10 oinezkoen igarobideetan instalatuko dira. Instalatuko diren 15 farola berriak bi motatakoak izango dira, bidearen eta espaloiaren ezaugarrien arabera. Horietatik 9k bideko argiztapena ordezkatuko dute, eta gainerako 6ek bola argiztapena.
Argiztapena indartuz eta hobetuz, Udaletik oinezkoen eta ibilgailuen segurtasuna hobetu nahi da. Horrez gain, eraginkortasun maila altuko farola horien instalazioari esker, kontsumoa murriztu egingo da.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
