Amurrioko Udala irisgarritasuna hobetzen ari da udalerriko zenbait puntutan. Gasolindegiko biribilgunearen proiektuaren barruan dauden jarduketa horiek, irisgarritasuna egokitzeko eta gaur egun dauden oztopo arkitektonikoak kentzeko aukera emango dute. Proiektu horren idazketa duela bi hilabete esleitu zen.
Eusko Jaurlaritzak Irisgarritasun Planetarako ematen duen diru-laguntza duten jarduketen barruan, oztopo arkitektonikoak kendu dira Boriñaur kalean, eta baldintzak hobetu dira, ibilbide irisgarria eta erabilerraza egokituz etxebizitza eraikinetara eta oinezkoentzako beste igarobide bat eginez.
Hurrengo hilabeteetan beste bi obra egingo dira Amurrioko irisgarritasuna hobetzeko. Alde batetik, Jose Pikatza eta Aiara kaleek bat egiten duten lekuan oztopo arkitektonikoak kenduko dira, oinezkoentzako irisgarritasuna hobetzeko. Horrez gain, Udaltzaingoaren eraikineko eta bere inguruko irisgarritasuna egokitzea ere aurreikusita dago.
Amurrioko Irisgarritasun Planean aurreikusitako hobekuntza lan horiek 55.000 euroko inbertsioa eskatuko dute.